風高浪急

恆指27831.52點，到了現在嘅市況，已經風高浪急，上升得快要下跌會更快，根據過往大市週期，下跌時嘅速度一般都會比上升時快。人們就好似要嚮火場逃生一樣，爭相逃命，互相踐踏，令到跌市時傷亡嚴重。所以應該趁人們正在興高采烈，未有離場意慾之時，自己開始部署離場及好好準備重新入市嘅策略。

恆指市盈率到了大約二十倍嘅水平、全民皆股、股價瘋狂上升、不停有新股上市、大財團抽水集資等等，都說明了現在嘅危險水平。

到了恆指近28000水平，再上升的空間巳經不及下跌的，值搏率低，但風險高。

一直大升嘅股市，巳經沒有任何合理基夲因素可以分析，如市盈率太高及未有盈利支持，就算技術分析都冇用，根本太多消息左右，內地加息、美國減唔減息、十七大開會、宏觀調控嘅影響都冇得計。

咁現在有乜可做呢？沽曬啲貨，然後等跌市？咁做法可能係太悲觀啦。下回再談吧。